Breaking News 2

पोखरा । पोखरा महानगरपालिका वडा नम्बर २२ का स्थायी तथा अस्थायी बासिन्दाले प्रयोगशाला परीक्षणमा छुट पाउने भएका छन्। वडा कार्यालय र पोखरा महानगरपालिका नगर युवा परिषद्को सहकार्यमा नेशनल प्याथ ल्याब एन्ड रिसर्च सेन्टरले वडावासीका लागि यस्तो स्वास्थ्य सुविधा उपलब्ध गराउने भएको हो। सम्झौताअनुसार वडाका नागरिकले ल्याबमा गरिने नियमित प्रयोगशाला परीक्षणमा २० प्रतिशत तथा विशेष परीक्षणमा १० प्रतिशत छुट पाउनेछन्। यस्तै,शिविरमा सुगर र क्रियाटिनिन परीक्षण भने निःशुल्क गराउन सकिने व्यवस्था गरिएको छ। निःशुल्क परीक्षण सेवा लिन चाहने वडावासीले सम्बन्धित निकायबाट आधिकारिक सिफारिसपत्र ल्याउनुपर्नेछ। वडा कार्यालय, नगर युवा परिषद्, वडा युवा परिषद्, टोल विकास समिति, महिला समूह वा विकास समितिको सिफारिसका आधारमा निःशुल्क परीक्षणको सुविधा लिन सकिने जनाइएको छ। स्वास्थ्य सेवाको पहुँच थप विस्तार गर्ने उद्दे...

साउन २९,गते पोखरा नेपाल प्रहरी श्रीमती संघको ४२ औँ वार्षिकोत्सवको अवसरमा नेपाल प्रहरी श्रीमती संघ गण्डकी प्रदेश, पोखराको आयोजनामा महिला प्रहरी कर्मचारी तथा प्रहरी कर्मचारीका परिवारलाई लक्षित गरी स्तन क्यान्सर तथा स्त्री रोग सम्बन्धी निःशुल्क स्वास्थ्य परीक्षण कार्यक्रम सम्पन्न भएको छ । गण्डकी प्रदेश प्रहरी अस्पताल, पोखराको प्राङ्गणमा आयोजित उक्त कार्यक्रममा महिलामा हुने स्तन तथा पाठेघरको क्यान्सर लगायतका स्त्री रोग सम्बन्धी स्वास्थ्य परीक्षण तथा आवश्यक स्वास्थ्य परामर्श प्रदान गरिएको थियो । गण्डकी प्रदेश प्रहरी कार्यालय पोखराका प्रमुख प्रहरी नायव महानिरीक्षक दिपेन्द्र जी.सीको प्रमुख आतिथ्यतामा सम्पन्न भएको उक्त कार्यक्रममा नेपाल प्रहरी श्रीमती संघ गण्डकी प्रदेश पोखराकी अध्यक्ष श्रीमती संगिता थापा क्षेत्री,महिला क्यान्सर रोग विशेषज्ञ डा.बानिरा कार्की,श्री सैनिक अस्पताल पोखराकी महासेन...

पोखरा, साउन १९ । मानवसेवा आश्रमले पोखरा महानगरपालिका–२५ हेमजामा सम्पन्न श्रीमद्भागवत सप्ताह ज्ञान–विज्ञान महायज्ञ–२०८३ को आय–व्यय विवरण सार्वजनिक गर्दै महायज्ञबाट उल्लेखनीय आर्थिक बचत भएको जनाएको छ। आश्रमका अनुसार महायज्ञबाट प्राप्त कुल आम्दानीमध्ये सबै खर्च कटाएर ३ करोड ४५ लाख ९ हजार १ सय ८४ रुपैयाँ बचत भएको छ। सोमबार आयोजित पत्रकार सम्मेलनमा सार्वजनिक गरिएको विवरणअनुसार महायज्ञबाट ३ करोड ८१ लाख ७१ हजार ७ सय ७१ रुपैयाँ ५३ पैसा संकलन भएको थियो भने कार्यक्रम सञ्चालनका लागि ७७ लाख १२ हजार ५ सय ८७ रुपैयाँ ५२ पैसा खर्च भएको महायज्ञ मूल आयोजक समिति संयोजक अनितकुमार शाहीले जानकारी दिए। सार्वजनिक गरिएको आर्थिक विवरणअनुसार नगद, चेक, क्यूआर कोड तथा अनलाइन माध्यमबाट २ करोड २४ लाख ७९ हजार १ सय ६३ रुपैयाँ संकलन भएको छ। त्यसैगरी व्यक्ति तथा संस्थागत प्रतिबद्धता र स्थानीय तहबाट १ करोड ४४ लाख ४ हजा...

पोखरा, पोखरा महानगरपालिका–१९, भक्तिपथ स्थित श्री गणेश मन्दिर जेष्ठ नागरिक मिलन केन्द्रमा मानवसेवा आश्रमका संस्थापक तथा प्रेरणादायी वक्ता रामजी अधिकारीद्वारा विशेष प्रेरणात्मक कार्यक्रम सम्पन्न भएको छ। मानवसेवा आश्रम (मानवता प्रवर्द्धन महाअभियान) द्वारा “पितृमोक्ष तथा आत्मशान्तिको पावन अभिष्टले आयोजित” श्रीमद्भागवत् ज्ञान–विज्ञान महायज्ञ–२०८३ लाई लक्षित गर्दै आयोजना गरिएको उक्त कार्यक्रममा जीवन रूपान्तरण र सकारात्मक सोचसम्बन्धी महत्वपूर्ण सन्देशहरू प्रवाह गरिएको थियो। कार्यक्रममा बोल्दै रामजी अधिकारीले मानव जीवनको मूल्य, सेवा भाव, तथा समाजप्रतिको उत्तरदायित्वबारे प्रेरणादायी मन्तव्य व्यक्त गर्नुभयो। उहाँले महायज्ञ जस्तो पवित्र कार्यमा सबैलाई सहभागी हुन आग्रह गर्दै मानवताको प्रवर्द्धनमा सहकार्य आवश्यक रहेको बताउनुभयो। उक्त कार्यक्रमको उद्घाटन वडा नं. १९ का अध्यक्ष पुष्पेन्द्र प...

पोखरा, लेकसाइडस्थित क्रिस्टल महलमा २०८३ साल बैशाख १ गते बिहीबार आयोजना गरिएको उक्त कार्यक्रममा महिलाहरूको मानसिक स्वास्थ्य, पारिवारिक सुदृढीकरण तथा सकारात्मक सोच विकासका विषयमा प्रशिक्षण प्रदान गरिएको थियो। कार्यक्रममा मानवसेवा आश्रमका संस्थापक तथा प्रेरणादायी वक्ता रामजी अधिकारी ले सहजीकरण गर्नुभएको थियो। उहाँले आमा मानसिक रूपमा सुदृढ र तनावमुक्त भएमा परिवार नै सुखी र समृद्ध बन्ने उल्लेख गर्दै सकारात्मक सोच, आत्मविश्वास र धैर्यताको महत्वबारे प्रशिक्षण दिनुभएको थियो। साथै, व्यवहारिक अभ्यासमार्फत सहभागीहरूलाई तनाव व्यवस्थापनका उपायहरू पनि सिकाइएको थियो। उक्त कार्यक्रम महिला सञ्जाल, पोखरा–६ बैदामको आयोजनामा तथा मानवसेवा आश्रम को सहकार्यमा सम्पन्न भएको हो। कार्यक्रममा स्थानीय महिला दिदीबहिनीहरूको उल्लेखनीय सहभागिता रहेको थियो। आयोजकका अनुसार यस्ता कार्यक्रमले महिलाहरूलाई मानस...

पोखरा । पछिल्लो समय समाजमा बढ्दै गएको हिंसा तथा आतंकका घटनाप्रति गम्भीर चिन्ता व्यक्त गर्दै परिवर्तन नेपाल अभियान, पोखराले पोखरा महानगरपालिकाको ध्यानाकर्षण गराएको छ। अभियानका प्रतिनिधिहरूले पोखरा महानगरपालिकाका मेयर धनराज आचार्यसमक्ष ध्यानाकर्षण पत्र बुझाउँदै समाजमा शान्ति, सुरक्षा र सुव्यवस्था कायम गर्न तत्काल आवश्यक पहल गर्न आग्रह गरेका छन्। उनीहरूले पछिल्ला दिनहरूमा घटिरहेका हिंसात्मक तथा आतंकजन्य गतिविधिले नागरिकमा त्रास सिर्जना गरेको उल्लेख गर्दै यसको नियन्त्रण र न्यूनीकरणका लागि प्रभावकारी कदम चाल्नुपर्नेमा जोड दिएका छन्। ध्यानाकर्षण पत्रमा स्थानीय सरकार, सुरक्षा निकाय र सरोकारवाला सबै पक्षबीच समन्वय गर्दै दीर्घकालीन समाधान खोज्नुपर्ने उल्लेख गरिएको छ। साथै, जनचेतना अभिवृद्धि, सामुदायिक सहकार्य र कडा कानुनी कार्यान्वयनमार्फत यस्ता घटनामा कमी ल्याउन सकिने सुझाव पनि दिइएक...

काठमाडौँ, चैत २१ — गृहमन्त्री सुधन गुरुङले आज बिहान पशुपतिनाथ मन्दिर पुगेर विधिपूर्वक पूजा–अर्चना तथा दर्शन गर्नुभएको छ। मन्दिर दर्शनसँगै उहाँले पशुपति क्षेत्रको समग्र अवस्थाको अवलोकन समेत गर्नुभएको जनाइएको छ। गृहमन्त्री पद सम्हालेपछि गुरुङ पहिलोपटक पशुपतिनाथ दर्शनका लागि पुग्नुभएको हो। आज हनुमान जयन्ती परेको अवसर पारेर उहाँ मन्दिर पुगेको बताइएको छ, जसलाई धार्मिक तथा सांस्कृतिक दृष्टिले विशेष दिनका रूपमा लिइन्छ। हनुमान जयन्ती हिन्दू धर्मावलम्बीहरूको महत्वपूर्ण पर्व हो। यस दिन भगवान् हनुमानको जन्म भएको विश्वास गरिन्छ। शक्ति, भक्ति, साहस र निष्ठाका प्रतीकका रूपमा हनुमानको पूजा गरिने परम्परा छ। देशभरका मन्दिरहरूमा पूजा–अर्चना, भजन–कीर्तन तथा विविध धार्मिक कार्यक्रम आयोजना गरिन्छ भने भक्तजनहरू बिहानैदेखि उपवास बस्दै दर्शनका लागि मन्दिर पुग्ने गर्दछन्। आज पशुपतिनाथ क्षेत्रमा पनि बिहानैदेखि भ...

पोखरा – साहसिक यात्रा र मोटोभ्लगिङमार्फत पहिचान बनाउँदै आएकी पोखराकी चेली सुरक्ष्या केसीले अन्तर्राष्ट्रिय स्तरमा नयाँ उपलब्धि हासिल गरेकी छन्। विश्वप्रसिद्ध सामाजिक सञ्जाल Instagram को आधिकारिक ‘Reels’ च्यानलमा उनको भिडियो फिचर्ड भएसँगै नेपाली डिजिटल क्रिएटरहरूको पहुँच विश्व बजारसम्म पुगेको छ। इन्स्टाग्रामले सीमित संख्यामा मात्र अकाउन्टलाई फलो गर्ने परम्परा राख्दै आएको छ। हाल करिब २०१ अकाउन्टलाई फलो गरिरहेको इन्स्टाग्रामको सूचीमा सुरक्ष्या केसीको ‘imsurakshyakc’ अकाउन्ट समावेश हुनु नेपाली क्रिएटर समुदायका लागि गर्वको विषय बनेको छ। करिब ६९ करोडभन्दा बढी फलोअर्स रहेको इन्स्टाग्रामको आधिकारिक प्लेटफर्ममा उनको सामग्री स्थान पाउनु आफैंमा ठूलो उपलब्धि मानिएको छ। नेपालका विभिन्न पर्यटकीय गन्तव्यहरूमा मोटरसाइकलमार्फत गरिएको यात्राका दृश्यहरू, साहसी र प्रेरणादायी महिला राइडरको छवि प्रस्त...