समाचार

पोखरा । नेपाल रेडियोलोजिकल सोसाइटी गण्डकी प्रदेश समितिको नयाँ नेतृत्व चयन भएको छ। शनिबार सम्पन्न भेलाले उदयकान्त तिवारीको अध्यक्षतामा नयाँ कार्यसमिति सर्वसम्मत रूपमा गठन गरेको हो। नवगठित समितिअनुसार उपाध्यक्षमा बासुदेव पौडेल, सचिवमा बिमल क्षेत्री, सह–सचिवमा आशिष भण्डारी र कोषाध्यक्षमा इश्वरी क्षेत्री निर्वाचित भएका छन्। त्यसैगरी सदस्यहरूमा बिनिता विश्वकर्मा, आनन्द अर्याल, अशोक बराल, गणेश अधिकारी, प्रमिला सिग्देल थापा, दिपेन्द्र सुबेदी, अशोक सुनार र आश्विन देवकोटा चयन भएका छन्। सल्लाहकारका रूपमा राकेश सिंह, अरुण कुमार मण्डल, कृष्ण केसी र अनिश बाबु पौडेल रहने छन्। नव–निर्वाचित अध्यक्ष उदयकान्त तिवारीले रेडियोग्राफरहरूको हक–हित संरक्षण, सीप विकास, सेवा गुणस्तर वृद्धि तथा रेडियोलोजिकल क्षेत्रमा देखिएका चुनौती समाधानका लागि सोसाइटी सक्रिय रूपमा लाग्ने प्रतिबद्धता जनाए। उनले गण्डकी ...

बागलुङ – श्रीमद् भागवत सप्ताह ज्ञानविज्ञान महायज्ञ सुरु नहुँदै मानवसेवा आश्रम बागलुङ शाखाको भवन निर्माणका लागि सहयोग रकम संकलन सुरु भएको छ। महायज्ञको मिति नजिकिँदै जाँदा विभिन्न स्थानबाट दाताहरूले भवन निर्माणमा सहयोग पुर्‍याउन थालेका छन्। हाल अमेरिकामा बसोबास गर्नुहुने रेनुका अधिकारी, इन्द्रमणि अधिकारी र मनु अधिकारीले संयुक्त रूपमा भवन निर्माणका लागि रु. ५० हजार ५९८ सहयोग गर्नुभएको आश्रमले जनाएको छ। मानवसेवा आश्रमले बागलुङको निरयघाटमा निर्माणाधीन भवनलाई निर्धारित समयमै सम्पन्न गर्न तथा अक्षयकोष वृद्धिका लागि आगामी कार्तिक २१ गतेदेखि २८ गतेसम्म श्रीमद् भागवत सप्ताह ज्ञानविज्ञान महायज्ञ आयोजना गर्न लागेको हो। मानवीय सेवामा प्रदान गरिएको सहयोगप्रति आश्रमले हार्दिक आभार प्रकट गरेको छ र थप दाताहरुलाई पनि भवन निर्माण अभियानमा सहभागी हुन आग्रह गरेको छ।...

पोखरा महानगरपालिका वडा नं. १५ मा दिव्य ज्योति क्लबको आयोजनामा एक भव्य ‘दिव्य ज्योति साँझ’ सम्पन्न भएको छ। कार्यक्रम वडा कार्यालय अगाडि विशेष रूपमा आयोजना गरिएको थियो। कार्यक्रमका प्रमुख अतिथि दुर्गा बहादुर कार्की रहनु भयो भने विशेष अतिथि प्रहरी नायब उपरीक्षक (डी.एस.पी.) कृष्ण कार्कीले सांगीतिक कार्यक्रमले समुदायमा सकारात्मक सन्देश फैलाउने विश्वास व्यक्त गर्दै क्लवकाे ईतिहासकाे बारेमा जानकारी गराउनु भएकाे थियाे । कार्यक्रमको अध्यक्षता क्लबका अध्यक्ष सुरेश बानियाँले गर्नुभयो भने सञ्चालन मदन गिरीले गर्नु भयो। कार्यक्रममा विभिन्न स्थानीय कलाकारहरूले लोकगीत, आधुनिक गीत, नृत्य र सांस्कृतिक प्रस्तुति दिएका थिए। आयोजक क्लबका अनुसार कार्यक्रममा स्थानीय समुदाय, युवायुवती र समाजसेवीहरूको उल्लेखनीय उपस्थिति रहेको थियो। कार्यक्रममा सांस्कृतिक विविधता झल्काउने प्रस्तुति तथा स्थानीय प्रत...

बागलुङ। महायज्ञ गर्ने मानव सेवा आश्रमले आगामी कात्तिक २१ गतेदेखि श्रीमद् भागवत सप्ताह ज्ञानविज्ञान महायज्ञ गर्ने भएको छ । यो महायज्ञमार्फत १० करोडको अक्षयकोष बनाएर आश्रमलाई नियमित संचालनमा ल्याउने लक्ष्य छ । मानवसेवा आश्रमको भवन आगामी चैत मसान्तभित्र सकेर २ सय जना आश्रितलाई राखेर सेवा प्रवाह गर्ने लक्ष्य छ । त्यस बाहेक मानवसेवा आश्रम बागलुङको अक्षयकोष बढाएर १० करोड पु-याउने, गण्डकी प्रदेशलाई सडक मानवरहित प्रदेश बनाउने लक्ष्य पुरा गर्ने, आगामी चैत मसान्तभित्र नेपाललाई सहयोगीपेक्षी सडक आश्रित मानवमुक्त निर्माणको संकल्प पुरा गर्ने लक्ष्य रहेको आश्रमका संस्थापक अध्यक्ष रामजी अधिकारीले बताउनुभयो । महायज्ञ अवधिभर एक हजार जनालाई बिहान योग शिविरमा जोड्ने, विद्यार्थीलाई सकारात्मक सोच तथा मानवता प्रवद्र्दनका लागि उत्प्रेरणात्मक कार्यक्रम संचालन गर्ने, स्वास्थ्य शिविर संचालन गर्ने, स्थानीय ...

पोखरा, लेकसाइड–६ को बराहीघाट मैदानमा पूर्णिमाको दशैं फेस्ट २०२५ आयोजना हुने भएको छ। ब्लक एक्स इन्टरटेन्मेन्टको प्रस्तुतिमा दशैंको अवसर पारेर यही अक्टोबर ७ र ८ गते दुई दिनसम्म चल्ने यस संगित महोत्सवमा देशका चर्चित कलाकारहरूको प्रस्तुतिसहित भव्य रूपमा मनाइनेछ। 🎶 कलाकारहरूको लाइनअप: 📅 अक्टोबर ७ – टुकी | रकहेड्स | मङ्गोलियन हर्ट 📅 अक्टोबर ८ – छेयोज़ेन एण्ड सहयात्री | जेम्सी | पूर्ण राई एण्ड दाजुभाइ दशैं केवल रमाइलो र मनोरञ्जन मात्र नभई एकता, संस्कृतिको जगेर्ना र राष्ट्रिय पहिचानलाई बलियो बनाउने चाड हो। आयोजकले यस कार्यक्रममार्फत संगीत र संस्कृतिलाई जोड्दै शान्ति, सकारात्मकता र मिलनसार समाजको सन्देश दिने लक्ष्य लिएको बताएका छन्। 🙏 कुनै ठूला प्रायोजक बिना आफ्नै लगानीमा आयोजना गरिएको यो महोत्सवलाई सफल बनाउन आयोजकले सबैलाई टिकट किन्न र कार्यक्रममा सहभागिता जनाउन हार्दिक अपिल गरेका छ...

पोखरा । जिल्ला प्रशासन कार्यालय कास्कीले विहीबार साँझ ७ बजेदेखि शुक्रबार बिहान ५ बजेसम्मका लागि पोखरा महानगरपालिकाभरी लागु हुने गरी कर्फ्यु आदेश जारी गरेको छ । विहीबारको जिल्ला सुरक्षा समितिको निर्णयसमेतको आधारमा प्रशासनले कर्फ्यु आदेश जारी गरेको हो । कास्की जिल्लामा हाल देखिएको घटनाक्रमबाट हुनसक्ने बिरोध प्रदर्शन, तोडफोड, हुलदंगाका कारण शान्ति सुव्यवस्थालाई मध्यनजर गर्दै कर्फ्यु आदेश जारी गरिएको प्रमुख जिल्ला अधिकारी रुद्रादेवी शर्माले उल्लेख गरेकी छन् । शुक्रबार विहान ५ देखि १० बजेसम्म भने अत्यावस्यक कामका लागि आवतजावत गर्न सकिने आदेशमा जनाईएको छ । कर्फ्युको समयमा आवतजावत गर्न, कुनै पनि प्रकारको भेला, जुलुस, प्रदर्शन, सभा, बैठक, घेराउ गर्न पाइने छैन । एम्बुलेन्स, शवबाहन, दमकल, स्वास्थ्यकर्मी र सुरक्षाकर्मीका सवारी साधन भने संचालन हुनसक्ने आदेशमा उल्लेख छ । जिल्ला प्रशासन कार्या...

काठमाडौँ । फेसबुक सञ्चालक संस्था मेटाले नेपालको सञ्चार तथा सूचना प्रविधि मन्त्रालयका अधिकारीसँग नेपालमा दर्ता हुन आवश्यक कागजपत्र माग गरेको मन्त्रालयले दाबी गरेको छ । मन्त्रालयका सहसचिव एवं प्रवक्ता गजेन्द्रकुमार ठाकुरका अनुसार मेटाका प्रतिनिधिले मन्त्रालयको आधिकारीक इमेलमा नभई, सञ्चार तथा सूचना प्रविधि मन्त्रीका विज्ञ सल्लाहकार शालिकराम पराजुलीलाई गरेर आवश्यक कागजातको विवरण माग गरेको हो । उनका अनुसार पौने ५ बजे आएको इमेलको मन्त्रालयले आवश्यक कागजपत्रको विवरणसहित तत्कालै जवाफ फर्काएको हो । मन्त्रालयले मेटाले इमेल गरेका दाबी गरेपनि व्यक्तीगतरुपमा आएको इमेलले भने शंका बढाएको छ । सरकारले सूचीकृत नभएका सामाजिक सञ्जालहरू चल्न रोक लगाउने निर्णय गर्दै दूरुसञ्चार प्राधिकरणलाई २६ वटा सञ्जाल चल्न रोक लगाउन पत्राचार गरिसकेको छ ।...

काठमाण्डौ । हालै सामाजिक सञ्जाललाई बन्द गर्ने वा कडाइका साथ नियमन गर्ने अदालतको फैसलाले लोकतन्त्रप्रति आस्था राख्ने नागरिक, राजनीतिक वृत्त तथा सरोकारवालाबीच गम्भीर बहस सुरु भएको छ। विशेषज्ञहरूको भनाइमा अभिव्यक्तिको स्वतन्त्रतालाई नेपालको संविधानले सर्वोच्च मूल्यका रूपमा स्थापित गरेको हुँदा यस विषयमा सरकारले संयमित र उदार दृष्टिकोण लिनु अपरिहार्य छ। संविधानले दिएको अधिकारलाई संकुचित भएको अनुभूति जनतामा भएमा त्यसले सकारात्मक परिणाम भन्दा उल्टो असर पार्ने चेतावनी समेत दिइएको छ। “फैसला गरेर मात्र पुग्दैन, जनताले न्याय भएको महसुस गर्नुपर्ने हो,” एक सरोकारवालाले बताए। उनका अनुसार, अहिले उठेको सवाल केवल सामाजिक सञ्जाल नियमन, दर्ता वा नियन्त्रणको मात्र नभई मूलतः अभिव्यक्तिको स्वतन्त्रतासँग सम्बन्धित छ। समाजका विभिन्न तहमा प्रश्न उठ्न थालेका छन् – यो देशमा अझै धेरै गम्भीर र जल्दाबल्दा समस्...

मानवसेवा आश्रमले आफ्नो १३औं वार्षिकोत्सव हेम्जा शाखामा मुठीदान कार्यक्रम मार्फत विशेष रूपमा सम्पन्न गरेको छ। मानवसेवा आश्रमको यात्रा नै मुठीदान बाट सुरु भएको स्मरण गर्दै, हरेक वर्ष यो दिनलाई आश्रम परिवारले सेवा, माया र परोपकारका साथ मनाउने गर्दछ। हाल हेमजा सेवाकेन्द्रमा १७६ जना नारायण ज्यूहरू आश्रयलिई जीवन बिताइरहनु भएको छ भने, छोरेपाटन सेवाकेन्द्रमा ९९ जना लक्ष्मी ज्यू तथा बालगोपाल ज्यूहरूले सुरक्षित र खुसी जीवन बिताइरहेका छन्। मानवसेवा आश्रम असहाय, अशक्त, बेवारिसे तथा दुःखमा परेका आमाबुबा, दिदीबहिनी र दाजुभाइहरूको साझा घर हो। यहाँ प्रेम, करुणा र सेवा नै वास्तविक सम्पत्ति हो। यस यात्रामा निरन्तर साथ, सहयोग र आशीर्वाद दिनु हुने सम्पूर्ण दातृ महानुभाव, स्वयंसेवक तथा शुभेच्छुकहरूलाई आश्रम परिवार तर्फबाट हार्दिक आभार व्यक्त गर्दछौं।...

पोखरा, भदौ ५ । पोखराको लामाचौरमा यस वर्ष विशेष ढंगले तीज महोत्सव आयोजना हुने भएको छ । आगामी भदौ ८ गतेदेखि १० गतेसम्म हुने महोत्सवको तयारीलाई तिब्र पारिएको महोत्सव मूल समिति र विभिन्न २२ उपसमितिहरूले पोखरामा पत्रकार सम्मेलन गर्दै जानकारी दिएका छन् । नेपाली नारीको महान् पर्व हरितालिका तीज को अवसरमा आयोजना हुने महोत्सवलाई सफल र भव्य बनाउन व्यापक तयारी भइरहेको अध्यक्ष इन्जिनियर दिनेश भण्डारीले जानकारी दिनुभयो । विविध प्रतियोगिता र सांस्कृतिक प्रस्तुति महोत्सवमा अन्तर समूह तीज गीत प्रतियोगिता, रारा लामाचौर कप खुल्ला पुरुष भलिबल, पोखरा एक्सपर्ट एजुकेशन अन्तर मावि छात्रा भलिबल, अन्तर विद्यालय लोक नृत्य प्रतियोगिता, स्रष्टा सम्मान तथा छात्रवृत्ति प्रदान लगायतका कार्यक्रम हुनेछन् । साथै राष्ट्रिय तथा स्थानीय चर्चित कलाकारहरूको सांगीतिक प्रस्तुति पनि रहनेछ । यस वर्ष आर्थिक असहजता, टिम सह...