१
ट्रेन्डिङ
पोखरा । नेपाली कांग्रेस निकट विद्यार्थी संगठन नेपाल विद्यार्थी संघ (नेविसंघ) का केन्द्रीय सदस्य निर्दोष विक्रम पौडेलले कास्की क्षेत्र नम्बर–२ बाट स्वतन्त्र उम्मेदवारी दर्ता गराएका छन्।
लामो समयदेखि विद्यार्थी हकहित, भ्रष्टाचार र बेथितिविरुद्ध आवाज उठाउँदै आएका पौडेल विद्यार्थी राजनीतिमा सक्रिय युवा नेताका रूपमा परिचित छन्। पछिल्लो समय ‘जेन–जी आन्दोलन’मा अग्रपंक्तिमा रहेर गण्डकी प्रदेशको नेतृत्व गरेका उनी युवापंक्तिमाझ लोकप्रिय मानिन्छन्।
नेविसंघको विभिन्न तहमा रहेर जिम्मेवारी सम्हाल्दै आएका पौडेल विद्यार्थी राजनीतिबाट उदाएका र संगठनभित्र स्थापित नाम हुन्। राजनीतिक चेतना, आन्दोलनको अनुभव तथा युवापंक्तिको समर्थनलाई आधार बनाउँदै उनले यसपटक स्वतन्त्र उम्मेदवारका रूपमा जनमत परीक्षण गर्ने निर्णय गरेका हुन्।
पौडेलले नेपाली कांग्रेसभित्र दास र लासको राजनीति चल्न नहुने बताउँदै पुस्तान्तरणको व्यावहारिक पक्षलाई लागू गर्नुपर्नेमा जोड दिएका छन्। परम्परागत राजनीतिक प्रवृत्तिभन्दा फरक ढंगले जनतासँग प्रत्यक्ष संवाद गर्दै युवा, विद्यार्थी तथा परिवर्तन चाहने वर्गको प्रतिनिधित्व गर्ने प्रतिबद्धता उनले व्यक्त गरेका छन्।
कास्की क्षेत्र नम्बर–२ मा पौडेलको स्वतन्त्र उम्मेदवारीले स्थानीय राजनीतिक समीकरणमा नयाँ तरंग ल्याउने अनुमान गरिएको छ। विद्यार्थी राजनीतिबाट मूलधारको राजनीतिसम्म पुग्ने नयाँ सम्भावनाको ढोका खोल्ने विश्वास उनका समर्थकहरूले व्यक्त गरेका छन्।
भ्याली खबर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
