हरेक शनिबार सडकसेवा: ५ जना सडक मानवको उद्धार, मानव सेवा आश्रम कास्कीद्वारा संरक्षणमा राखियो

पोखरा, –हरेक शनिबारझैं यस शनिबार पनि मानव सेवा आश्रम कास्की शाखाले पोखराको विभिन्न स्थानहरूमा ‘सडक सेवा’ कार्यक्रम सञ्चालन गरी ५ जना सडक मानवहरूको उद्धार गरेको छ। उद्धार गरिएकामध्ये ४ जना पुरुष र १ जना महिला रहेका छन्।

उद्धार गरिएका व्यक्तिहरूको विवरण यसप्रकार छः
• पोखरा १८, पामे सेदीबाट उद्धार गरिएका लोकेन्द्र बहादुर टुल्ल, स्थायी घर जुम्ला
• पोखरा ५, ओल्ड क्याम्पस क्षेत्रबाट प्रकाश सुनार, स्थायी घर पर्वत
• पोखरा ३, नादीपुरबाट मंगल सार्की, स्थायी घर लमजुङ
• पोखरा ८, नयाँबजारबाट राजु परियार, स्थायी घर काठमाडौँ, बनपा
• पोखरा १६, कासिमपुलबाट उद्धार गरिएकी महिला प्रीति, जसले आफू लेखनाथ घर भएको बताएकी छन्

उद्धार गरिएका ४ जना पुरुषलाई मानव सेवा आश्रमको हेम्जा शाखामा राखिएको छ भने १ जना महिलालाई छोरेपाटन शाखामा सुरक्षित रूपमा राखिएको छ।

मानव सेवा आश्रम कास्की शाखाले ती व्यक्तिहरूका परिवारजनहरूलाई सम्भव भएसम्म चाँडै सम्पर्कमा आउन अपिल गरेको छ। यदि उद्धार गरिएकाहरू तपाईंका परिवार वा आफन्त हुन सक्ने लागेमा मानव सेवा आश्रम कास्कीमा सम्पर्क गर्नुहोस्।