१
ट्रेन्डिङ
काठमाडौं – राजधानीको व्यस्त क्षेत्र मध्यपुर थिमिमा रहेको ‘नो पार्किङ’ (No Parking) बोर्डको ठिक छेउमै ट्राफिक प्रहरीले आफ्नो मोटरसाइकल पार्क गरेको देखिएको छ। नियम लागू गराउने जिम्मेवारी पाएका ट्राफिक प्रहरी स्वयंले यस्तो नियम उल्लंघन गर्नुले नागरिकहरूमा आक्रोश पैदा गरिरहेको छ।
तस्बिरमा स्पष्ट देखिएअनुसार, ‘दायाँ मोड्न मनाही’ (No parking ) ‘नो पार्किङ’ बोर्ड भएको ठाउँमा ट्राफिक प्रहरीको सरकारी मोटरसाइकल पार्क गरिएको छ। यदि त्यही स्थानमा कुनै सर्वसाधारणले मोटरसाइकल राखेको भए तत्कालै रु ५ सयदेखि १ हजारसम्म जरिवाना हुने सम्भावना रहन्छ।
स्थानीय बासिन्दाहरूले भने, “नियम सबैका लागि बराबर हुनुपर्छ। जब ट्राफिक प्रहरी नै नियम उल्लंघन गर्छन् भने सर्वसाधारणले कसरी विश्वास गर्ने?”
यो घटना नेपालमा नियम-कानुन सबैका लागि समान छैन भन्ने गुनासोलाई थप पुष्टि गर्छ। ट्राफिक प्रहरीले स्वयं उदाहरणीय कार्य गर्नुपर्नेमा यसरी सार्वजनिक नियम उल्लंघन गर्नुले प्रहरी संगठनको छविमा पनि प्रश्न उठाएको छ।
अब प्रश्न उठ्छ—के नियम केवल सर्वसाधारणका लागि मात्रै हो?
भ्याली खबर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
