१
ट्रेन्डिङ
पोखरा – परिवर्तन नेपाल अभियानले सामाजिक सञ्जालमार्फत बढ्दै गएको दुर्व्यवहार र धम्कीपूर्ण अभिव्यक्तिविरुद्ध कडा कारबाहीको माग गर्दै जिल्ला प्रशासन कार्यालय कास्कीमा ध्यानाकर्षण पत्र बुझाएको छ।
अभियानका प्रतिनिधिहरूले जिल्ला प्रशासन कार्यालयमा पुगेर सहायक प्रमुख जिल्ला अधिकारी चित्रांगत बराललाई ध्यानाकर्षण पत्र हस्तान्तरण गरेका हुन्। उनीहरूले लोकतान्त्रिक समाजमा अभिव्यक्ति स्वतन्त्रता रहे पनि यसको दुरुपयोग गर्दै महिलामाथि अशोभनीय, अपमानजनक तथा यौनजन्य टिप्पणी गर्ने, समेत बलात्कारजस्ता जघन्य अपराधका धम्की दिने प्रवृत्ति तीव्र रूपमा बढेको भन्दै गम्भीर चिन्ता व्यक्त गरेका छन्।
अभियानका अनुसार यस्ता क्रियाकलापले मौलिक अधिकारमाथि आक्रमण गर्नुका साथै समाजमा भय, असुरक्षा र विवशताको वातावरण सिर्जना भएको छ।
परिवर्तन नेपाल अभियानले यस्ता गैरकानुनी क्रियाकलापमा संलग्न व्यक्तिहरूको छानबिन गरी प्रचलित कानूनअनुसार कडाभन्दा कडा कारबाही गर्न, पीडितलाई न्याय दिलाउन तथा सुरक्षित डिजिटल वातावरण निर्माण गर्न सम्बन्धित निकायलाई आग्रह गरेको छ।
भ्याली खबर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
