१
ट्रेन्डिङ
पोखरा — भारतीय सेनाको फोर थ्री गोर्खा राइफल्सका भूतपूर्व सैनिकहरूले पोखरामा आफ्नो ६४औँ फ्ल्याग राइजिङ डे भव्य रूपमा मनाएका छन्। पोखरा–स्थित स्वागत पार्टी प्यालेसमा आयोजित कार्यक्रममा गण्डकी प्रदेशमा बसोबास गर्दै आएका पल्टनका भूतपूर्व सैनिकहरूको उल्लेख्य सहभागिता रहेको थियो।
पल्टनको गौरवशाली इतिहास संरक्षण गर्ने, आपसी सम्बन्ध मजबुत बनाउने तथा मेलमिलापलाई अझ सुदृढ गर्ने उद्देश्यले आयोजना गरिएको कार्यक्रममा पल्टनको इतिहासलाई सधैं ताजा राख्ने संकल्प व्यक्त गरिएको थियो।
कार्यक्रममा फोर थ्री गोर्खा राइफल्सका भूतपूर्व कमाण्डिङ अफिसर Abhay Singh प्रमुख अतिथिका रूपमा सहभागी हुनु भएको थियो। यस्तै, कर्नल चेतबहादुर गुरुङ, कर्नल नरबहादुर गुरुङ, कर्नल बोध विक्रम थापा, कर्नल राजिव शर्मा तथा क्याप्टेन एन.बी. गुरुङ (सेनामेडल) विशिष्ट अतिथिका रूपमा उपस्थित हुनु भएको थियो।
कार्यक्रम संस्थाका क्याप्टेन कृष्णबहादुर थापाको अध्यक्षतामा सम्पन्न भएको हो भने कार्यक्रम सञ्चालन तथा संयोजन धिरबहादुर गुरुङले गर्नु भएको थियो।
समारोहमा सहभागी भूतपूर्व सैनिकहरूले एकआपसमा आत्मीय भेटघाट गर्दै भाइचारा, सम्बन्ध र पल्टनप्रतिको गौरवलाई अझ सुदृढ बनाउने प्रतिबद्धता व्यक्त गरेका थिए। कार्यक्रममा सहभागीहरूका लागि खानपान तथा जलपानको समेत व्यवस्था गरिएको थियो।
सौहार्दपूर्ण वातावरणमा सम्पन्न उक्त कार्यक्रममा सहभागीहरू रमाउँदै आपसी सम्झना साटासाट गरेका थिए। कार्यक्रम औपचारिक रूपमा समापन गरिएको आयोजकले जानकारी दिएका छन्।
भ्याली खबर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
