१
ट्रेन्डिङ
पोखरा, २१ माघ । पोखराको न्युरोडमा अवस्थित कान्तिपुर इन्स्टिच्युट अफ हेल्थ साइन्सेस एण्ड डेन्टल अस्पताल स्थापना भएको २६ वर्ष पूरा गरी २७औँ वर्षमा प्रवेश गरेको छ।
स्थापनाको अवसरमा बुधबार अस्पतालले विशेष कार्यक्रमको आयोजना गरेको थियो। कार्यक्रममा बोल्दै अस्पतालका प्रमुख डा. बुद्धिमान श्रेष्ठले स्थापना कालदेखि नै गुणस्तरीय दन्त उपचार र बिरामीको विश्वासलाई केन्द्रमा राखेर सेवा प्रदान गर्दै आएको बताए। उनले आगामी दिनमा आधुनिक प्रविधि, दक्ष जनशक्ति तथा पहुँचयोग्य सेवामार्फत अझ प्रभावकारी दन्त स्वास्थ्य सेवा प्रदान गर्ने प्रतिबद्धता व्यक्त गरे। सो अवसरमा उनले संस्थाको स्थापना इतिहाससमेत प्रकाश पारे।
कार्यक्रममा अस्पतालका सिइओ प्रतिकमान श्रेष्ठले सानो क्लिनिकबाट सुरु भएको अस्पताल आज यस क्षेत्रकै उत्कृष्ट दन्त अस्पतालको रूपमा विकसित भएको उल्लेख गरे। उनले अस्पतालले विभिन्न जिल्लामा पुगेर निःशुल्क दन्त परीक्षणलगायतका शिविरहरू सञ्चालन गर्दै आएको र आगामी दिनमा यस्ता सामाजिक उत्तरदायित्वका कार्यक्रमलाई निरन्तरता दिइने बताए।
त्यसैगरी प्राचार्य श्रेया थापाले कान्तिपुर इन्स्टिच्युट अफ हेल्थ साइन्सेसमा हाल स्वास्थ्य क्षेत्रका चारवटा विधामा अध्ययन अध्यापन हुँदै आएको जानकारी दिइन्।
कार्यक्रममा अस्पतालका निर्देशक दृष्टि गुरुङ, इन्चार्ज प्रमिला पौडेल, डा. अनुपा वाग्ले लगायतले मन्तव्य व्यक्त गरेका थिए।
सो अवसरमा अस्पतालले कर्मचारीहरूलाई प्रोत्साहनस्वरूप सम्मान गरेको थियो भने माघ ११ गतेदेखि १५ गतेसम्म आयोजना गरिएको स्पोर्ट्स मिटका विजेताहरूलाई पुरस्कार वितरण गरिएको थियो।
हाल कान्तिपुर इन्स्टिच्युट अफ हेल्थ साइन्सेस एण्ड डेन्टल अस्पतालमा सिटिइभिटीबाट सम्बन्धन प्राप्त गरी डिप्लोमा तहका चारवटा फ्याकल्टी सञ्चालनमा रहेका छन्।
भ्याली खबर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
