१
ट्रेन्डिङ
पोखरा । नेकपा एमाले निकट राष्ट्रिय स्वास्थ्यकर्मी महासङ्घ नेपालले आफ्नो २० औँ स्थापना दिवसको अवसरमा मानव सेवा आश्रममा सहयोग गरेको छ । मङ्गलबार राष्ट्रिय स्वास्थ्यकर्मी महासङ्घ नेपाल गण्डकी प्रदेश कमिटी र राष्ट्रिय स्वास्थ्यकर्मी महासङ्घ नेपाल कास्की जिल्ला कमिटीको संयुक्त आयोजनामा पोखरा २५ हेम्जामा रहेको मानव सेवा आश्रममा सहयोग सामाग्री हस्तान्तरण गरिएको हो । कार्यक्रम गण्डकी प्रदेशका पूर्व मुख्यमन्त्री एवं नेकपा एमाले स्थायी कमिटी सदस्य खगराज अधिकारीको प्रमुख आतिथ्यतामा सहयोग हस्तान्तरण भएको थियो । पूर्व मुख्यमन्त्री अधिकारीले मानव सेवा आश्रममा सहयोग गरेर स्थापना दिवस मनाउने महासङ्घ गण्डकी र कास्कीको कार्यको तारिफ गरे ।
अबको दशकपछि नेपालमा धेरै ज्येष्ठ नागरिकको समुह नेपाल बन्न लागेको भन्दै उनले छोराछोरी बाहिर जाने देश भित्र फर्किएर नआउने क्रम बढ्न थालेकोमा चिन्ता व्यक्त गरे । पश्चिमा समाजको नकारात्मक प्रभावका कारण परिवार टुट्न थालेको उनले औँल्याए । मानव सेवा आश्रमलाई गण्डकी प्रदेश सरकारले समेत निरन्तर सहयोग गर्दै आइरहेको उनले खुलाए ।
राष्ट्रिय स्वास्थ्यकर्मी महासङ्घ नेपाल गण्डकी प्रदेश कमिटीका अध्यक्ष डिल्ली आचार्यले महासङ्घको पाँचौ राष्ट्रिय महाधिवेशन सम्पन्न गरे पश्चातको पहिलो कार्यक्रम भएको भन्दै मङ्गलबार करिब ७३ जिल्लामा विविध कार्यक्रम गरेर दिवस मनाइएको बताए । यहाँको कार्यक्रममा महासङ्घ अन्तरगतका गण्डकीका ७ वटा घटकको महत्वपूर्ण सहयोगमा कार्यक्रम आयोजना गरिएको उल्लेख गरे । यस्ता सहयोगका कार्यक्रम निरन्तर आयोजना गरिने प्रतिवद्धता उनले जनाए । सडकमा अलपत्र परेकालाई उद्धार गरे नवजीवन दिने कार्य मानव सेवा आश्रमले गरेको भन्दै उनले प्रशंसा गरे । औषधी, स्वास्थ्य सामाग्रीका अलावा २० हजार नगद सहयोग गरिएको बताएका उनले मानव सेवा आश्रमको अभियान जन जनमा पुर्याउन साथ दिने वाचा समेत गरे ।
२०६२ मा स्थापना भएको राष्ट्रिय स्वास्थ्यकर्मी सङ्घ, नेपाल विस्तार भएर चौथो महाधिवेशन २०७८ बाट महासङ्घमा रूपान्तरित भएको थियो । ‘हाल यस महासङ्घमा स्वास्थ्य क्षेत्रका विभिन्न विधाका ८ वटा विषयगत घटकहरू आवद्ध छन् । महासङ्घका ८ वटा प्रदेश, ७१ वटा जिल्ला, ५ वटा विशेष जिल्ला, ८ वटा घटकका केन्द्र, २८७ वटा स्थानीय कमिटी र अन्य कमिटी गरि ४०० भन्दा बढी कमिटीहरू गठन भएका छन् । महासङ्घको पाचौँ राष्ट्रिय महाधिवेशन हालै सम्पन्न भएको थियो । सामाजिक न्याय र पेशागत मर्यादाका लागि स्वास्थ्यकर्मीहरूको एकता, आम नागरिकका लागि गुणस्तरीय स्वास्थ्य सेवा हाम्रो प्रतिवद्धता भन्ने नारा का साथ कार्य गर्दै महासङ्घले आफ्नो सक्रियता बढाइरहेको छ ।
भ्याली खबर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
