१
ट्रेन्डिङ
न्यू ग्यालेक्सी होटल म्यानेजमेन्ट स्ट्रिमद्वारा आयोजित विशेष ‘फुड कर्निभल २०२५’ सफलतापूर्वक सम्पन्न भएको छ। ‘Savor the Flavors’ नाराका साथ पोखरा, नदिपुरस्थित न्यू ग्यालेक्सी स्कूल परिसरमा चैत २१ र २२ गते (अप्रील ३ र ४, २०२५) सञ्चालन भएको यस कर्निभलमा हजारौँले सहभागिता जनाएका थिए।
कार्यक्रमको मुख्य आकर्षणका रूपमा दक्षिण कोरियाका चर्चित कलाकार मिस्टर चोईले प्रत्यक्ष सांगीतिक प्रस्तुति दिए, जसले उपस्थित दर्शकहरूलाई रोमाञ्चित बनायो। बिहान १० बजेबाट सुरु भई अपराह्न ५ बजेसम्म चलेको कर्निभलमा विभिन्न स्वादिष्ट परिकार, सांगीतिक प्रस्तुति, मनोरञ्जनात्मक खेलकुद र आकर्षक गतिविधिहरू समावेश गरिएका थिए।
न्यू ग्यालेक्सी होटल म्यानेजमेन्ट स्ट्रिमका अनुसार, यो कार्यक्रम होटल म्यानेजमेन्ट अध्ययनरत विद्यार्थीहरूलाई व्यावहारिक ज्ञान प्रदान गर्ने तथा स्थानीय समुदायलाई विभिन्न स्वादिष्ट परिकारहरूको अनुभव गराउने उद्देश्यले आयोजना गरिएको हो। सहभागीहरूले नयाँ परिकारहरूको स्वाद चाख्न पाउनुका साथै होटल तथा क्याटरिङ सेवासम्बन्धी महत्वपूर्ण जानकारी हासिल गर्न सफल भएका छन्।
आयोजकका अनुसार, भविष्यमा यस्ता कार्यक्रमहरू अझ ठूलो स्तरमा आयोजना गरिनेछन्, जसले होटल व्यवस्थापन तथा खानपान उद्योगमा रुचि राख्नेहरूलाई थप अवसर प्रदान गर्नेछ।
भ्याली खबर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
