१
ट्रेन्डिङ
पोखरा । पोखरा महानगरपालिका वडा नम्बर ३ नदीपुरस्थित न्यु ग्यालेक्सी स्कुलले ‘फुड कार्निभल–२०८१’ बिहीबारदेखि सुरु भएको छ। कक्षा ११ र १२ मा होटल व्यवस्थापन सङ्कायमा अध्ययनरत विद्यार्थीलाई प्रोत्साहन गर्ने लक्ष्यसहित कार्यक्रम आयोजना गरिएको हो ।
शुक्रबारसम्म चल्ने कार्निभलमा विभिन्न ११ प्रकारका खानाका परिकार प्रस्तुत गरिएको विद्यालयका प्राचार्य डा रामजी शर्माले जानकारी दिए । विद्यालयको ३१ औ वार्षिक उत्सवको अवसरमा आयोजित कार्यक्रममा पुरस्कार वितरण, सांस्कृतिक कार्यक्रम समेत गरिएको छ ।
मेलाको पहिलो दिन प्ले ग्रुप देखि कक्षा ५ सम्मका विद्यार्थीलाई शैक्षिक सत्र २०८१ को शैक्षिक एवम् अतिरिक्त क्रियाकलापको पुरस्कार वितरण गरियो । कार्यक्रमको उद्घाटन एन प्याब्सन गण्डकीका अध्यक्ष तिलक अधिकारीले गरेका थिए । शुक्रबार कक्षा ६ देखि १२ सम्मका विद्यार्थीलाई पुरस्कार वितरण गरिनेछ ।
फेस्टिभलमा पोखराका नाम चलेका चार तारे होटलमा तालिम प्राप्त विद्यार्थीले खानाका परिकार तयार गरेर प्रस्तुत गरेका छन्। प्राचार्य शर्माले विद्यार्थीलाई अध्ययनसँगै स्वरोजगार बनाउने लक्ष्य विद्यालयको रहेको बताए ।
विद्यालयका सहायक प्राचार्य राजेश भण्डारीका अनुसार कार्यक्रम स्थलमा ११ वटा खानाका स्टल रहनेछन् । प्रत्येक खानाका परिकारका लागि एक सय रुपैयाँको टिकटको व्यवस्था गरिएको छ । टिकट काटेपछि सोही रकम बराबरको खानाका परिकार रोजेर खान पाइनेछ । खानाका परिकार अर्ग्यानिक हुनेछन् । स्वादभन्दा पनि स्वास्थ्यलाई ध्यानमा राखिने सहायक प्राचार्य भण्डारीले बताए ।
उनका अनुसार विद्यालयका सबै अभिभावकलाई निमन्त्रणा पत्र पठाएर कार्यक्रममा सहभागी गराएर विद्यालयका गतिविधिबारे जानकारी गराइएको छ । कार्यक्रममा लाइभ कुकिङ, फ्रुट कार्भिङ, फेयर बार टेन्डिङ, कल्चर शो, लाइभ म्युजिक र मनोरञ्जनात्मक खेल भइरहेका छन्।
विद्यालयका निर्देशक राजु कायस्थले फुड कार्निभलले विद्यार्थीहरूको प्रतिभा प्रस्फुटनमा मद्दत पुर्याउने विश्वास व्यक्त गरे । उनले सिक्ने र सिकाउने थलोका रुपमा विद्यालय भएकाले आफूहरूले सोही प्रकारको वातावरण सिर्जना गरेका बताए ।
२०५१ सालमा स्थापित विद्यालयमा हाल एक हजार एक सय विद्यार्थी अध्ययनरत छन् । जसमा कक्षा ११ र १२ मा मात्रै पाँच १८ विद्यार्थी छन् । विद्यालयमा कक्षा ११ र १२ मा विज्ञान, कम्प्युटर विज्ञान, व्यवस्थापन, होटल व्यवस्थापन र पर्यटनको पढाई हुँदै आइरहेको छ ।
भ्याली खबर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेसण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
