सामुदायिक सेवा केन्द्र तथा सामुदायिक प्रहरी सेवा केन्द्रका नव निर्वाचित पदाधिकारीले लिए पदभार तथा सफत

गड्डाचौकी । सामुदायिक सेवा केन्द्र तथा सामुदायिक प्रहरी सेवा केन्द्रका नव निर्वाचित पदाधारीहरुले पदभार तथा सफत ग्रहण गरेका छन् । मंगलबार केन्द्रका नव निर्वाचित अध्यक्ष भोजराज भट्टलाई निर्वाचन मण्डलका अध्यक्ष अधिवक्ता सुमित्रा कार्किले सफत ग्रहण गराएका हुन् । त्यसैगरी नवनिर्वाचित अध्यक्ष भट्टले नव निर्वाचित पदाधिकारी र सदस्यहरुलाई पद तथा गोपनियताको सफत ग्रहण गराएका थिए । पदभार तथा गोपनियताको सफत ग्रहण कार्यक्रमको अध्यक्षता निवर्तमान अध्यक्ष कृष्ण प्रसाद बोकटीले गर्नु भएको थियो ।

संस्थाका पुर्व अध्यक्षहरुले आफ्ना अनुभव बताउदै नयाँ कार्यसमितिलाई बधाई तथा सफत कार्यकालको शुभकामना व्यक्त गरेका थिए । संस्थाका पुर्व अध्यक्ष तथा सल्लाहकार पुर्ण बहादुर चन्दले संस्थाको महत्व र आवश्यकताको औचित्यको बारेमा उल्लेख गर्दै नयाँ कार्यसमितिले समाजमा देखिने किसिमले कार्य गर्ने आशा व्यक्त गर्नुभयो । ‘समाजमा यस संस्थाको ठूलो महत्व र देन रहेको छ,’ सल्लाहकार चन्दले भने ‘नयाँ चयन भएको कार्यसमितिले संस्थाको आवश्यकताको औतित्यअनुसार समाजमा देखिने किसिमले कार्य गर्नेछ भन्ने आशा लिएको छु ।’

त्यसैगर जिल्ला प्रहरी कार्यालयका निमित्त प्रमुख डिएसपि उमेश जोशीले नव निर्वाचित कार्यसमितिलाई बधाई तथा शुभकामना दिदै सक्रिय सहयोगको अपेक्षा राखेका थिए । ‘नयाँ कार्यसमितिलाई बधाई तथा शुभकामना छ,’ डिएसपी जोशीले भने ‘जस्तो समाज त्यस्तै प्रहरी भने जस्तै तपाईहरुले सक्रिय सहयोग गर्नुहुनेछ र हामीले गर्नुपर्ने सहयोग हामी गर्नेछौ । हामी तपाईको भुमिका भनेको सभ्य, अनुसाशित समाज निर्माण गर्ने हो, त्यसका लागि सहकार्य गरेर नै अघि बढ्ने प्रतिबद्धता व्यक्त गर्दछु ।’
भीमदत्त नगरपालिका वडा नंम्बर १८का वडाअध्यक्ष रविन्द्र देवकोटाले नया कार्यसमितिलाई बधाई तथा शुभकामना मन्तव्य दिदै स्थानीय तहबाट गर्नुपर्ने सहयोग गर्ने बताए । ‘नवनिर्वाचित कार्यसमिति पदाधिकारीहरुलाई बधाई तथा सफल कार्यकालको शुभकामना छ,’ अध्यक्ष देवकोटाले भने ‘स्थानीय सरकारको तर्फबाट गर्नुपर्ने सहयोगका लागि पछि नहटि साथसहयोग गर्ने प्रतिबद्धता व्यक्त गर्दछु ।’

सामुदायिक सेवा केन्द्र तथा सामुदायिक प्रहरी सेवा केन्द्रको १०औ अधिवेसनबाट नव निर्वाचित कार्यसमिति सर्वसम्मत चयन भएको थियो । सेवा केन्द्रको १०औ अबिधेशन तथा १६ औ साधारण सभा गत शनिबार सम्पन्न भएको थियो । अधिबेसनबाट समितिको अध्यक्षमा भोजराज भट्ट, उपाध्यक्षमा विमल खडायत, सचिवमा भुवन कुवँर केसी, कोषाध्यक्ष सुनिल दत्त ओझा र सह–सचिवमा प्रशान्त भट्ट चयन भएको थिए भने सदस्यमा किशोर बिक्रम जैरु, भारती चौधरी, बिष्नादेवी रावल, कुशुम भट्ट, सिद्धराज भट्ट, खगेन्द्र सिह बिष्ट, लिला सिह बोहरा, पुष्कर राज पाण्डेय, राजेन्द्र प्रसाद जोशी, महेश राज जोशी, जितेन्द्र बहादुर चन्द र गजेन्द्र राज पाण्डेय चयन भएका थिए ।

कार्यक्रममा पत्रकार महासंघ कञ्चनपुरका जिल्ला अध्यक्ष सुरेश धामी, जिल्ला प्रहरी कार्यालयका कार्यलय निमित्त प्रमुख डिएसपी उमेश जोशी, ट्राफिक कार्यालय प्रमुख ईन्सपेक्टर लक्षमण पचभैया, सामाजसेवी लिलाध्वज बस्नेत, समाजसेवी भगवती थापा, भीमदत्त नगरपालिका वडा नंम्बर १८ का वडा अध्यध्य देवकोटा, वडा नंम्बर ४का वडाअध्यक्ष शुशिल भट्टलगायत अतिथि रहेका थिए । उक्त कार्यक्रममा संस्थाका पुर्व अध्यक्षहरु, विभिन्न संघसंस्थाका प्रमुख तथा प्रतिनिधिहरुको उपस्थिति रहेको थियो ।