बेदकोटको मध्यवर्ती उपभोक्ता समितिको मनपरीविरुद्ध स्थानीयको विरोध, भिडियो सहित हेर्नुस
महेन्द्रनगर– बेदकोट नगरपालिकामा १० मा रहेको मध्यवर्ती उपभोक्ता समिति द्वारा उपभोक्ता समूह गठनमा मनपरी गरिएको भन्दै स्थानीय बासिन्दा तथा उपभोक्ता समूहहरूले कडा विरोध जनाएका छन् । शनिबार बिहान समितिको कार्यालयमा पुगेरै उनीहरुले विरोध गरेका थिए ।
स्थानीयहरूले शुक्लाफाँटा राष्ट्रिय निकुञ्ज संरक्षण तथा वन्यजन्तु संरक्षणका लागि गठन गरिने समितिमा केही निश्चित व्यक्तिलाई मात्र समावेश गरी अन्य समुदायलाई बेवास्ता गरिएको आरोप लगाएका छन्। उनीहरूले समितिले आफ्ना स्वार्थअनुकूल व्यक्तिहरूलाई मात्रै चयन गरेको भन्दै असन्तुष्टि व्यक्त गरेका थिए ।
विरोध कार्यक्रममा विभिन्न उपभोक्ता समूहका प्रतिनिधिहरू, स्थानीय बुद्धिजीवी, समाजसेवी तथा अन्य सरोकारवालाहरूको उपस्थिति थियो। उनीहरूले उपभोक्ता समूह निर्माण गर्दा सबै क्षेत्रका प्रतिनिधित्व हुने गरी खुला प्रक्रिया अपनाइनुपर्ने माग राखेका छन् ...
