पेक इन्जिनियरिङ्ग प्रदर्शनी–२०८२ मा अवलोकनमा आकर्षण
पोखरा, १४ माघ । पोखरा इन्जिनियरिङ्ग कलेजले आयोजना गरेको नवौं संस्करणको पेक इन्जिनियरिङ्ग प्रदर्शनी–२०८२ ले आम नागरिक विद्यार्थी, शिक्षक तथा शैक्षिक क्षेत्रका सरोकारवालाको उल्लेखनीय ध्यान तानेको छ।
प्रदर्शनी अवलोकन गर्न आएका पोखरा महानगरपालिका–स्थित शिवशक्ति माध्यमिक विद्यालयका विद्यार्थीहरू प्रदर्शनीमा राखिएको सडक पार गर्न बनाइएको नमूना आकाशे पुलमा विशेष चासोका साथ रोकिए। उनीहरूले बढ्दो सवारी चाप र पैदल यात्रुले जथाभावी सडक काट्ने प्रवृत्तिका कारण दुर्घटना न्यूनीकरण गर्न पोखराका अधिकांश चोकहरूमा यस्ता संरचना आवश्यक रहेको प्रतिक्रिया दिएका थिए। त्यसै विद्यालयकी कक्षा १२ मा अध्ययनरत पद्मा फगामीले सुरुमा प्रदर्शनी सामान्य मेला–महोत्सव जस्तै होला भन्ने लागेको बताइन्। तर अवलोकनपछि प्रदर्शनीमा राखिएका अधिकांश आविष्कार तथा परियोजना खालका रहेको अनुभव भएको बताइन् ।
प्रदर्शनी अवलोकन गर्न आएका ला...
